ވެހޭއިރު ފެންނަގާށޭ އޭރުން ނަފާ ވާނޭ
ފުރާވަރު
ވިސްނަމާ ބޭނުން ހިފަން އޭރުން އުފާވާނޭ
ވަށައިގެން ރޯކުރެއޭ އަލިފާންގަނޑެއް
ފުރިހަމަވި ހަނދުވަރުގައި
ލަފާފިރި އެއްލިބުން އެދިގެން ކިޔޭ ކިޔެވެލި
ތަކެއް ކިޔަވާ
ލަފާހެޔޮ ރަނގަޅު އިރުވަރުގައި ދެފައި
ދޮންވެލި މަތީގަ އަޅާ
ލިބާހުގެ
ލަންސިމޫ ކަސަބުން ވަށައިލެވެނީ ކަރާ ކަނދުރާ
ކުރިންވީ ގޮތްތަކާ ބަލަމާ ދަރިންނަށް
މިއަދު ވާގިދެމާ
އުޖާލާ
މާދަމާ ކުރުމަށް ޒުވާނުން
ހަރުދަނާ ވެލަމާ
ވިދާ ދުނިޔޭގެ ބަދަލުވަމުން
މުހިއްމޭ ހާދަ ބައިވެރިވުން
ބިނާކޮށް ހެޔޮލަފާ ގޮތްތައް އުޅެންވީ ރީތި
މަގު ހޯދާ
ޒަމާނުގެ ފަތްފުށަށް ޅަފުރާ
ފުރާވަރުގޮސް ބަލައިލިއްޔާ
މިހާ ގިނަ
ފުރުޞަތެއް ނެތަތީ ދުރާލާ ކުރިމަގަށް ނުބަލާ
ފުރާޅު ތޮށަޅި ފަނުން ވިޔެފާ
ދެރައިވަރަކުން ހިތާ ވެވިފާ
ތިމާ ވެށި
ކޮށްޓަކަށް ވެދަނީ މަތިން ފޭރާން ލުމާ އެކުގާ
އެކީބޮޑުވާ ކުދިންނާ މެދު ދެކޭގޮތް
ހިތުތެރޭ އޮއްވާ
ހިނގާގޮސް ފައިލޮނުގަ ޖެހިފައި އަރާއިރު
އަނތްބަކަށް ވެދެޔޭ
ބަރާބަރު ތިންގަނޑެތި ދުފުމާ މަލާފަތް
ވެދުމަކަށް ލިބެޔޭ
ދުރުން
ކިޑިކީ އެ މާޒީއަށް ފަހަށްދެވޭ ބަލަން
ހުއްޓާ
1.ލަވައަޑުއަހަމުން ތިރީގައިވާ މާނަތަކާ އެންމެ ގުޅޭ ލަފުޒުތައް ލަވައިން
ހޯދައިގެން ލިޔާށެވެ.
ހ. ލިބޭތާ ލިބިގަތުން:
ށ. ފުރާވަރަށް އަރާފައި ތިބޭމީހުން:
ނ. ކުރިއަށް އޮތްތަން:
ރ. އަޙްލާޤް ރަނގަޅު:
ބ. ލަންސިމޫ ގަހުގެމޫ:
ޅ. ފުރިހަމަ އަލި:
ކ. ޅައުމުރު:
އ. ޤަބޫލުވުން:
ވ. ކުޑަދޮރު:
2. ލަވައަޑުއަހާ ނިންމުމަށް ފަހު ރަނގަޅު
ޖުމުލާގައިR ރަނގަޅުނޫން ޖުމުލާގައި Q ޖަހާށެވެ.
ހ. 'ފުރާވަރު' މިލަވަ އަކީ ޒުވާނުންގެ
ތެރެއިން ނުކުޅެދުންތެރިކަން ހުންނަ
މީހުންނަށް ޚާއްޞަކޮށް ހަދާފައިވާ ލަވަ އެކެވެ.
ށ. އުޖާލާ
ކުރިމަގެއް ހޯދުމަށްޓަކައި ދުރާލާ ތައްޔާރުވެ ފުރުޞަތުތަކުގެ ބޭނުން ހެޔޮގޮތުގައި
ހިފުމަށް މި ލަވާގައި އިރުޝާދު ދީފައިވެ އެވެ.
ނ. އިހުގެ
ފަތްފުށްތަކަށް ނަޒަރު ހިންގާލާއިރު ފެންނަނީ ޒުވާނުންނަށް ވަރަށް ގިނަ
ފުރުޞަތުތައް ފަހިވެފައިވާތީ އެވެ.
ރ. އިހުގެ ސަގާފަތަށް ބަލާއިރު ލިބާސްލާ ދުވަހު
ފައިތިލަ ލޮނުގައި ބީއްސާލުމަށްފަހު އެއްގަމަށް އަރާއިރު ހުންނަނީ ކޮންމެވެސް
މީހަކަށް އަންހެން ކުއްޖާ ރުހުންދީ ފަ އެވެ.
ބ. މި
ލަވައިގައި އިހުޒަމާނާއި މިޒަމާނުގެ ޒުވާނުންގެ ހުރި ތަފާތުތަކާއި ފުރުޞަތުތަކުގެ
ވާހަކަތައް ހުށަހަޅާދީފައިވެ އެވެ.
3. ފުރާވަރު މި
ލަވަ ކިޔުމަށްފަހު ތިރީގައިވާ ސުވާލުތަކަށް ޖަވާބު ދޭށެވެ.
ހ. އިހުގައި
އަންހެން ކުދިން ލިބާސް ލެއްވުމައި އިރުވަރު ބަލައިކަން ދޭހަވާ ބައިތު ލިޔެދޭށެވެ.
ށ.
"ބިނާކޮށް ހެޔޮލަފާގޮތްތައް އުޅެންވީ ރީތި މަގުހޯދާ" މި ބަހުގެ މާނައަކީ
ކޮބައި؟
ނ.
"ކުރިންވީ ގޮތްތަކަށް ބަލަމާ" މި ބަހުގައި "ކުރިންވީގޮތް" އެ
މާނަ ކުރަނީ ކޮންގޮތަކަށް؟
ރ. "ތިމާ
ވެށި ކޮށްޓަކަށް ލެވިދަނީ" މި ބަސްކޯޅީގައި ބުނާވާހަކަތައް
ތަފްސީލްކޮށްދޭށެވެ.
ބ. ޒަމާނުގެ
ފަތްފުށްތަކަށްބަލާއިރު ފުރުޞަތުތަކެއް ނެތީމަ އޭރުގެ ޒުވާނުންގެ ދިރިއުޅުން
ހުންނަގޮތް ފަހު ތިންބައިތުގައި ބުނެދީފައިވެ އެވެ. އެ ކަންތައްތައް 3 ފޮޅުވަތާއި
5 ފޮޅުވަތާ ދެމެދަށް ފައްތައިގެން ލިޔެދޭށެވެ.
ޅ. ތިރީގައިވާ
ލަފުޒުތަކުގެ މާނަ ލިޔެދޭށެވެ.
ފުރާވަރު:
އިރުވަރު:
ތިންގަނޑެތި:
މަލާފަތް:
ކ.
"ފުރާވަރު" މި ޅެމުގައި ހިމެނޭ ބައިތުތަކުން އެ ކުއްޖަކު ބޭނުން
ބައިތެއްގެ ޝަރަޙަ ލިޔެދޭށެވެ. ޝަރަހައިގެ ދިގުމިން 7 ފޮޅުވަތަށްވުރެ ކުރު
ނުކުރާށެވެ. އަދި 9 ފޮޅުވަތަށްވުރެ ދިގުނުކުރާށެވެ. ޝަރަހަ ލިޔާނީ ބައިތު
ލިޔުމަށްފަހުގަ އެވެ.
